Chettinadu Mutton Fry

தேவையான பொருட்கள்:

ஆட்டுக்கறி – ஒரு கிலோ
சி. வெங்காயம் – நூறு கிராம்
தக்காளி – நூறு கிராம்
பூண்டுப் பல் - இருபது
இஞ்சி & பூண்டு விழுது – இரண்டு டேபிள் ஸ்பூன்
ப.மிளகாய் – பத்து
வரமிளகாய் – பத்து
மஞ்சள் பொடி – ஒரு டேபிள் ஸ்பூன்
மல்லிப் பொடி – மூன்று டேபிள் ஸ்பூன்
உப்பு – இரண்டு டீ ஸ்பூன்
எண்ணை – நான்கு டேபிள் ஸ்பூன்
சோம்பு – ஒரு டீ ஸ்பூன்
கறிவேப்பிலை – மூன்று கொத்து

செய்முறை:

பூண்டு, சி.வெங்காயத்தை தோலுரித்து நீள நீளமாக மெலிதாக நறுக்கி வைக்கவும்.
தக்காளியை நான்காக நறுக்கியும், ப.மிளகாயை தட்டியும் வைக்கவும்.
சோம்பை தட்டியும் வரமிளகாயை இரண்டிரண்டாக கிள்ளி விதை நீக்கியும் வைக்கவும்.
கறியை நன்கு கழுவி உப்பு, மஞ்சள் பொடி, மல்லிப் பொடி, இஞ்சி & பூண்டு விழுது, தட்டிய ப. மிளகாய், இருநூறு மிலி தண்ணீர் சேர்த்து முக்கால் பாகம் வேக வைக்கவும்.
அடுப்பில் கடாயை வைத்து எண்ணை முழுதும் ஊற்றி சோம்பு, வரமிளகாய் தாளித்து சிவந்ததும் நறுக்கிய பூண்டு, வெங்காயம் சேர்த்து நன்கு வதக்கி கறிவேப்பிலை சேர்க்கவும்.
ஒரு நிமிடம் கழித்து தக்காளித் துண்டங்களை சேர்த்து வதக்கவும்.
தக்காளி கரைந்து எல்லாம் சேர்ந்து எண்ணை மேலே பிரியும் போது கறிக் கலவையை கொட்டி அடுப்பை சிம்மில் வைத்து அடிக்கடி கிண்டி விடவும்.
கறி நன்றாக வெந்து தண்ணீர் முழுதும் வற்றியதும் இறக்கவும்.