சிக்கன் ஸ்பிரிங் ரோல்ஸ்

தேவையான பொருட்கள்:

அவித்த சிக்கன் பீஸ் – 200 கிராம் (நீளமாக வெட்டவும்)
முட்டைக்கோஸ் – 50 கிராம் (நீளமாக வெட்டவும்)
கேரட் – 1 (நீளமாக வெட்டவும்)
குடமிளகாய் – 1 (நீளமாக வெட்டவும்)
வெங்காயம் – 1
சோயா சாஸ் – கால் டீஸ்பூன்
சில்லி சாஸ் – 1 டீஸ்பூன்
அஜினாமோட்டோ – கால் டீஸ்பூன்
மைதா – 1 கப்
முட்டை – 4
உப்பு – தேவையான அளவு
எண்ணெய் – தேவையான அளவு

செய்முறை:

கடாயில் எண்ணெய் விட்டு, வெங்காயம் வதக்கி சிக்கன், காய்களைப் போட்டு வதக்கி சாஸ் வகைகளைப் போட்டு பிறகு உப்பு அஜினாமோட்டோ போட்டு வதக்கி இறக்கவும். கலர் மாறாமல் சுருள வதக்கவும். முட்டை, உப்பு, மைதா போட்டு பிசைந்து ஒரு மணி நேரம் ஊற விடவும்.
பிறகு சப்பாத்தி போல் இட்டு ஒரு ஓரத்தில் சிக்கன் கலவையை வைத்து சுருட்டவும். ஒரு சுருட்டு சுருட்டிய பிறகு இரண்டு ஓரங்களையும் நடுவில் மடித்து பிறகு சுருட்டவும். கடைசியில் தண்ணீர் கொண்டு ஒட்டவும். இப்படி எல்லாவற்றையும் செய்து பிரிஜ்ஜில் வைத்து தேவையான போது சூடான எண்ணெயில் பொரித்து சாஸ் உடன் பரிமாறவும்.